ibn

• Ibn Ḫaldūn ابن خلدون Ibn Khaldun (1332–1406), arabisk historikar, filosof og statsmann
• Ibn Baţţūta ابن بطوطة Ibn Battuta (1304–cirka 1368), marokkansk teolog, jurist og geograf
• Ibn Sīnā آبن سينا Avicenna (980–1037), persisk lege og filosof

Det som følgjer etter ibn ابن, er anten eit farsnamn – Ibn Ḫaldūn og Ibn Baţţūţa tyder 'son av Ḫaldūn' og 'son av Baţţūţa' – eller eit namn på ein familie eller ei slekt – Ibn Sīnā tyder 'etterkomar av Sīnā-familien'.

Ordet ibn ابن har ein variant bin بن, som blir brukt mellom eit personnamn og eit farsnamn, som i namnet til den saudiarabiske prinsen Mohammed bin Salman, Muħammad bin Salmān محمد بن سلمان.

Til hankjønnsformene ibn ابن og bin بن svarer hokjønnsformene ibna ابنة og bint بنت; sjå bint.

Til arabisk ibn/bin og ibna/bint svarer hebraisk ben בֵן og bat בַת (av eldre *bant) og arameisk bar בַּר og bartɔ בַּרְתָּא.

• Sjå artiklane ben (hebraisk) og bar (son).
• Sjå òg banu

• arabisk